Afmælisfjör Smiðjuloftsins og Hraðaklifurkeppni

Í tilefni af 1 árs afmæli Smiðjuloftsins sunnudaginn 5. maí höldum við Afmælisfjör frá kl. 11-14.
Allskonar skemmtilegheit í boði:

Kaffi/djús og sætur biti í boði hússins
Klifur í öryggislínu fyrir þau sem þora
Vorsöngstund og opinn hljóðnemi kl. 12
Lifandi tónlist kl. 13
og að sjálfsögðu opið á klifurveggina, í leiktækin og dundidótið okkar.
Aðgangseyrir: 500 kr. Börn séu í fylgd með fullorðnum.

Einnig verður Hraðaklifurkeppni
fyrir 16 ára og eldri kl. 14. 30. Skráning stendur yfir. Áhorfendur hjartanlega velkomnir. Vegleg verðlaun frá Gamla Kaupfélaginu.
Skráning á smidjuloftid@smidjuloftid.is og á Facebook.

Páskapartý-línuklifur og vorsöngstund

Fjölskyldutíminn verður með sérstöku páskastuði þennan sunnudaginn. Starfsfólk Smiðjuloftsins ætlar að bjóða upp á klifur í öryggislínu á háa klifurveggnum (8 metrar) en margir hafa sýnt áhuga á að prófa svoleiðis.
Kl. 12 verður svo söngstund á efri hæðinni þar sem við syngjum skemmtileg lög tengd sólinni og vorinu. Opinn hljóðnemi eftir söngstundina.
Leiktækin okkar að sjálfsögðu til staðar og hægt að klifra frjálst í hellinum.

Aðgangur: 800 kr. Leiga á skóm: 200 kr.

Börn undir 14 ára aldri séu í fylgd með fullorðnum. Eldri börn þurfa skriflegt leyfi foreldra til að koma á Smiðjuloftið.

Frábær árangur ÍA klifrara á Bikarmeistarmóti Íslands

Helgina 30-31. mars fór fram Bikarmeistarmót Íslands í grjótglímu og voru klifrarar frá ÍA meðal þátttakenda. Mótið hófst á laugardaginn á Smiðjuloftinu þar sem undanúrslit í C flokk (12-13 ára) og B flokk (14-15 ára) voru haldin. Klifrarar fengu 90 mínútur til að ljúka 15 klifurleiðum í sem fæstum tilraunum og fór sex efstu keppendur í stúlkna- og drengjaflokki áfram í úrslit.
Akurnesingar áttu góðu gengi að fagna og fóru sex ÍA-klifrarar áfram úr undanúrslitum í úrslit; þær Sylvía Þórðardóttir og Tinna Rós Halldórsdóttir í stúlknaflokki C og Rúnar Sigurðsson, Ellert Kári Samúelsson og Sverrir Elí Guðnason í drengjaflokki C, auk Hjalta Rafns Kristjánssonar sem fór áfram í flokki B.
Annar dagur móts fór fram í Klifurhúsinu í Reykjavík og hófst með úrslitum yngri flokka.
Í úrslitum klifra keppendur þrjár leiðir og er ein leið fyrir hvern flokk klifruð í einu. Þá klifrar einn keppandi úr hverjum flokki í einu en aðrir keppendur fá ekki að fyljgast með. Spennan var því mikil þegar leikar hófust og áhorfendur létu vel í sér heyra.
Í stúlknaflokki áttu Sylvía og Tinna Rós ágæta tilraun við fyrstu leið og náðu báðar bónus en kláruð ekki leiðina. Báðar toppuðu þær næstu tvær leiðir og tryggði Sylvía sér silfur með færri tilraunum en Tinna Rós sem fékk vel verðskuldað brons.
Í drengjaflokki klifraði Rúnar tvær leiðir af þremur og fékk silfurverðlaun á eftir Elís Garðarssyni sem sigraði, einnig með tvær leiðir af þremur en í færri tilraunum.
Í undakeppni eldri flokka keppti Brimrún Eir Óðinsdóttir fyrir ÍA og fór örugglega áfram í úrslit. Í úrslitum kvenna var hart barist en Brimrún Eir hafnaði í fimmta sæti, en allir keppendur toppuðu fyrstu tvær leiðir en engin lauk þeirri síðustu. Það voru því tilraunirnar sem gerðu útslagið en Brimrún Eir þurfti fimm tilraunir samanlagt í tveimur leiðum.
Bikarmótið var í alla stað vel heppnað, leiðaval fjölbreytt og skemmtilegt, og keppendur frá ÍA til fyrirmyndar í alla staði. Þá var góður hópur sjálfboðaliða og starfsmanna til taks bæði á Akranesi og í Reykjavík sem lögðu sitt af mörkum til að gera gott mót.
Klifurfélag ÍA getur vel við unað og klifrarar verið ánægðir með sitt eftir afrek helgarinnar.

Opnunartímar á vorönn 2019

Þá er allt að fara á fullt aftur hjá okkur á Smiðjuloftinu. 7. janúar byrja æfingar í klifri og almenn opnun aftur eftir jólafrí. Skráning gengur mjög vel og gaman að segja frá því að 18+ æfingahópurinn fer stækkandi svo endilega hafið samband ef þið viljið prófa þessa frábæru líkamsrækt. Sunnudaginn 13. janúar byrja svo fjölskyldutímarnir aftur á sunnudögum kl. 11-14. Við verðum að sjálfsögðu með almenna opnun fyrir þau ykkar sem viljið kíkja við og spreyta ykkur í klifrinu, hægt er að leigja skó á staðnum. Hlökkum til að sjá ykkur, kveðja V+D.

Almennir opnunartímar á vorönn líta svona út:

Mánudagur, miðvikudagur og fimmtudagur –
Opið frá 18-21.

Laugardagur –
Opið frá 12-16

Sunnudagur
Opið frá 11-16

Tónlistarnámskeið fyrir 3-5 ára

Jóla-fjölskyldutímar 9. og 16. desember

Það verður heldur betur notaleg jólastemmning hjá okkur á Smiðjuloftinu 2. og 3. sunnudag í aðventu frá 11-14. Þetta verða einu fjölskyldutímarnir í desember. Við byrjum svo aftur 13. janúar eftir jólafrí. 2. desember er lokað hjá okkur vegna Íslandsmeistarmóts.

Hér er smá upptalning á því sem verður í boði:

• Klifur, leiktæki, spil, púsl, leikföng (eins og vanalega)
• Piparkökuskreytingar
• Músastigagerð
• Kaffi og kakó
• Jólamyndir til að lita
• Jólasöngstundir á hálfa tímanum
• Opinn hljóðnemi fyrir þau sem vilja syngja jólalögVerð: 800 kr. Klifurskór: 200 kr. Kaffi/kakó: 200 kr Piparkökur 5 stk. á 200 m. glassúr til skreytinga.14 ára og yngri séu í fylgd með fullorðnum. 14-17 ára þurfa undirskrift foreldris til að koma án fylgdar.

  Hlökkum til að sjá ykkur.

Desember á Smiðjuloftinu – viðburðir og desemberopnun

Í desember verður dregið örlítið úr almennri opnun hjá okkur. Við verðum með tvo Jóla-fjölskyldutíma 9. og 16. desember, en annars verða fjölskyldutímarnir í fríi til 13. janúar. Hér er yfirlit yfir desember hjá okkur. Athugið að utan opnunartíma tökum við á móti hópum sem vilja hittast og eiga skemmtilega jóla-samveru á Smiðjuloftinu.

Lau. 1. des LOKAÐ vegna Íslandsmeistaramóts

Sun. 2. des LOKAÐ vegna Íslandsmeistaramóts

Mán. 3. des opið frá 18-21

Þri. 4. des Lokað

Mið 5. des Lokað – Dómaranámskeið ÍSÍ frá 19-21

Fim 6. opið frá 18-21

Fös. 7. des Undirbúningur fyrir jólamót ÍA-lokað

Lau 8. des Jólamót Klifurfélags ÍA

Sun 9. des Jóla-fjölskyldutími frá 11-14 (sjá nánar í viðburði). Opið í klifur frá 14-16.

Mán. 10. des opið frá 18-21

Þri. 11. des lokað

Mið. 12. des lokað

Fim. 13. des opið frá 18-21

Föst 14. des lokað

Lau 15. des opið frá 12-15

Sun. 16. des Jóla-fjölskyldutími frá 11-14 (sjá nánar í viðburði). Opið í klifur frá 14-16.

Mán 17. des opið frá 18-21

Fim 20. des opið frá 18-21

21. desember – Smiðjuloftið fer í jólafrí.

Opnum aftur mánudaginn 7. janúar 2019 kl. 18-21.

Vökudagar-Hrekkjavakan

Nú er menningarhátíðin Vökudagar að fara í gang hér á Akranesi. Á Smiðjuloftinu verða tveir spennandi viðburðir sem tengjast Hrekkjavökunni. Laugardaginn 27. október verður árlegt Hrekkjavökumót Klifurfélags ÍA og Smiðjuloftsins. Þar mæta krakkar á aldrinum 5-15 ára frá ÍA, Klifurhúsinu og Björkinni og etja kappi í grjótglímu. Allir eru hvattir til að mæta í búning og verða veitt verðlaun fyrir flottasta búninginn. Hvetjum alla til að koma og fylgjast með fjörinu. Kaffi og múffur á efri hæðinni.

Dagskráin er svona:

Dagskrá:
10.00-10.45: Púkar (2013-2010)
11.00-12.00: Uppvakningar (2009-2008)
12.30-14.00: Orkar (2007-2006, opið fyrir klifrara annara félaga)
14.30-16.00: Draugar (2005-2003, opið fyrir klifrara annara félaga)

Sunnudaginn 28. október kl. 11-14 verður fjölskyldutími með Hrekkjavöku þema.

Við ætlum að skreyta húsnæðið (ekkert alltof hryllilega samt) og bjóða upp á andlitsliti, hrekkjavökumyndir til að lita og rauðan drykk fyrir krakkana. Hvetjum alla til að mæta í búningi. Að sjálfsögðu verða leiktækin okkar uppi og klifurveggirnir á sínum stað.

Verð: 800 kr.
Leiga á skóm: 200 kr.
Kaffi: 200 kr.

Mætum myrkrinu saman – Ekta upplifun fyrir hópinn þinn…

Frábær stund fyrir vinahópa, fjölskyldur, samstarfshópa, steggjun, gæsun ofl ofl…

Skemmtileg samvera í allt að tvær klukkustundir

– hentar 10-25 manna hópum

Hvað viljið þið gera á Smiðjuloftinu?

Þetta er í boði:

Klifur á 8 metra háum vegg í öryggislínu

Klifur í grjótglímuhelli án öryggislínu

Lifandi tónlist sérsniðin að hópnum

Fjöldasöngur

Opinn hljóðnemi fyrir ykkur t.d. getið þið sungið lag með lifandi undirleik

Leiktæki í sal, spil, bækur, blöð og litir ef börn eru í hópnum

Hópeflisleikir

Dans

Við getum sett saman blöndu af þessum skemmtilegheitum, sérsniðna fyrir hópinn þinn.

Við bjóðum upp á kaffi/safa og sætan mola

Þið getið tekið með ykkur léttar veitingar-

-allt til alls hjá okkur, diskar, glös ofl.

-við sjáum um uppvaskið.

Umsjón hafa Valgerður (tónmenntakennari/söngkona) og Þórður (íþrótta- og heilsufræðingur m.kennsluréttindi) eigendur Smiðjuloftsins

Verð: Hafðu samband við smidjuloftid@smidjuloftid.is og fáðu tilboð fyrir hópinn þinn.