Afmæli

Afmæli á Smiðjuloftinu

Afmæli á Smiðjuloftinu

Á Smiðjuloftinu er frábær aðstaða til að halda barnaafmæli. Á neðri hæðinni getur hópurinn skemmt sér í klifursalnum, spreytt sig á veggjunum, hlaupið, hoppað og dansað. Á efri hæðinni er langborð og stólar, eldhúskrókur með diskum, glösum og skeiðum fyrir allt að 25 börn.

Verð fyrir afmæli

12.000 krónur + 500 krónur fyrir hvern gest í allt að 2 klukkustundir.
Innifalið er afnot af húsnæði, diskar, glös og skeiðar.

Verð fyrir afmæli
Klifurleikir og leiðsögn

Klifurleikir og leiðsögn

Við getum boðið upp á skipulagða leiki og leiðsögn í klifri fyrir gestina. Hafðu samband og kynntu þér málið.

Tónlistaruppákoma í afmælinu

Við getum boðið upp á tónlistaruppákomu í afmælinu. Hafðu samband og við finnum út hvað hentar við fyrir veisluna þína. T.d. afmælissöngur með gítarleik, samsöngur eða tónlistartengdir leikir.

Tónlistaruppákoma í afmælinu

Afmæli - Nauðsynlegt að vita

1.
Bókanir fara fram á netfanginu smidjuloftid@smidjuloftid.is. Staðfestingargjald er 6000 krónur og greiðist innan sólarhrings frá bókun, að öðrum kosti er ekki hægt að tryggja að húsið verði laust á umbeðnum tíma. Staðfestingargjald fæst ekki endurgreitt. Gengið er frá endanlegri greiðslu í afmælinu.

2.
Hámarksfjöldi í hverju afmæli er 25 börn. Verðið er 12.000 krónur + 500 krónur fyrir hvern gest. Ekki er greitt fyrir afmælisbarnið og foreldra/forráðamenn þess.

3.
Ábyrgðaraðila ber að kynna sér öryggisreglur Smiðjuloftsins.

4.
Afmælistíminn er tvær klukkustundir. Ábyrgðaraðili hefur kost á að mæta 15 mínútum fyrir umsaminn tíma og hefur 15 mínútur eftir afmælið til að ganga frá.

5.
Ábyrgðaraðili raðar upp borðum og stólum á efri hæð. Eftir afmælið skal viðkomandi sópa/þurrmoppa yfir gólf, þurrka af borðum og stólum. Einnig skal tæma glös og diska og koma fyrir í bala undir leirtau.

6.
Til að minnka rusl eftir afmæli og takmarka plastnotkun er mælst til þess að gestir noti þau glös, diska og skeiðar sem til eru á Smiðjuloftinu.

Eldhúsið
Á Smiðjuloftinu eigum við glös, diska og skeiðar fyrir 25 börn. Vatnskönnur, kaffivél, kaffikönnu, 25 kaffibolla, kökuhnífur, pizzahníf og eldavél með ofni.

Minnislisti
Bóka dagsetningu – borga skráningargjald – borga eftirstöðvar – kynna sér reglur – raða upp borðum/stólum-ganga frá efri hæð. GÓÐA SKEMMTUN.