Fréttir
Fyrra klifurnámskeiðið okkar fyrir börn fædd 2005-2008 hófst í dag með fullum hópi af áhugasömum krökkum. Eftir hressandi útveru var farið í hádegismat á Smiðjuloftinu og síðan í línuklifur.
Skráning á seinna námskeiðið (18-22 júní) er hafin á smidjuloftid@smidjuloftid.is. Athugið að fjöldi þátttakenda á námskeið eru hámark 10 börn.
Fréttir
Í júní verða opnunartímar á þessa leið:
Athugið að hægt verður að bóka afmæli og hópa í júní.
Opið þriðjudaga og fimmtudaga í klifur frá 18-21
18 + klifurtímar frá 20-21 þessa daga.
Laugardagur 16. júní
Fjölskyldutími – upphitun fyrir þjóðhátíðardaginn frá 11-14
Klifur, leiktæki og fjör.
Hæ, hó, jibbí jei söngstundir á hálfa tímanum. Opið í krakka-karókí.
Þátttökugjald: 800 kr.
Kaffi, kleinur, ávaxtavatn til sölu.
Börn yngri en 14 ára séu í fylgd með fullorðnum
Sunnudagur 17. júní
Lokað
Kl. 20 eru tónleikar með Travel Tunes fjölskyldunni.
Sunnudagur 24. júní
Fjölskyldutími frá 11-14
Júlí
Opið verður í kringum írska daga 5. – 8. júlí. Nánar auglýst síðar.
Að öðru leiti verður lokað í júlí. Einnig lokað fyrir afmælisbókanir.
Fréttir
Klifurtími fyrir 18 ára og eldri, sem eru að klípa í sín fyrstu grip á klifurveggnum og langar að læra meira um grjótglímu. Góð stemmning, þjálfari á staðnum sem hitar upp og leiðbeinir, og fullt af nýjum klifurleiðum.
Hægt að greiða stakan tíma (1.200kr) eða nota 10 tíma klifurkortin.
Klifurskór til leigu í afgreiðslu (300kr).
Klifrað verður á þriðjudögum og fimmtudögum frá 20.00-21.00 út júní.
Engin skráning-bara mæta.
Fréttir
Akranes iðar af lífi helgina 8.-10. júní og við erum stolt af að geta boðið upp á spennandi afþreyingu fyrir heimafólk og gesti bæjarins.
Við ætlum að bjóða upp á Fjölskyldutíma á Smiðjuloftinu bæði laugardag og sunnudag frá kl. 11-14. Klifur, leiktæki, spil, litir og blöð, bækur, opinn hljóðnemi fyrir söngglaða og kaffi á könnunni.
Þátttökugjald: 800 krónur (Foreldrar sem ekki ætla að klifra borga ekki inn). Leiga á skóm: 200 krónur. Kaffi: 200 krónur.
Börn yngri en 14 ára séu í fylgd með fullorðnum.
Smiðjuloftið er á Smiðjuvöllum 17, rétt þegar komið er inn í bæinn, í grænni byggingu nálægt Bónus.
Athugið að kl. 14 hefst venjuleg opnun á klifurveggina til kl. 17. Þá kostar stakur tími 1200 kr. og skór. 300 kr.
Fréttir
Smiðjuloftið heldur sumarnámskeið fyrir krakka fædda 2005-2008. Námskeiðin eru fyrir krakka sem vilja kynnast klifuríþróttinni og hafa gaman af útiveru.
Námskeiðin henta bæði byrjendum og þeim sem lengra eru komin í klifri. Athugið að hámarksfjöldi í hvern hóp eru 10 börn.
Námskeið I: 11. -15. júní
Námskeið II: 18. -22. júní
Kynntar eru helstu gerðir klifuríþróttinnar: grjótglíman og línuklifrið sem báðar er hægt að stunda innandyra sem utan. Þátttakendur kynnast helsta búnaði klifurheimsins á meðan þau njóta útiverunnar í náttúruperlum Akraness og leika sér.
Námskeiðin hefjast alla daga kl. 10.00 og eru til 14.00, mæting stundvíslega á Smiðjuloftið, Smiðjuvöllum 17.
Krakkarnir þurfa að hafa með sér:
Verð:15.000 (20% systkina afsláttur)
Umsjón með námskeiði hefur Þórður Sævarsson, Íþrótta- og heilsufræðingur M.Sc. Þórður er með kennsluréttindi í íþróttum og hefur margra ára reynslu af vinnu með börnum og unglingum.
Nánari upplýsingar og skráning á smidjuloftid@smidjuloftid.is
Fréttir
Fyrsta vikan á Smiðjuloftinu var alveg glimrandi skemmtileg. Fjögur afmæli með hressum krökkum og ÍA klifrarar komust loksins á nýju veggina. Í dag var svo Fjölskyldutími og mikið um að vera á notalegan hátt 😉
Takk fyrir frábærar móttökur kæru gestir…hlökkum til að sjá ykkur og alla hina á Smiðjuloftinu 🙂
Fréttir
Taktu fjölskylduna með á Smiðjuloftið á sunnudaginn.
Milli 11 og 14 er tíminn hjá okkur tileinkaður fjölskyldum með börn yngri en 14 ára. Við tökum fram rólu, trampólín og fleira dót og auðvitað getið þið skorað hvert á annað í klifurleiðunum.
Á efri hæðinni getið þið prófað að syngja lag í hljóðnema. Tilvalið fyrir litla sem stóra söngfugla að láta ljós sitt skína. Litir, blöð, spil og bækur og hægt að kaupa sér kaffi á 200 kr.
Verð milli 11 og 14: 800 krónur á mann
Leiga á skóm: 200 krónur.
Athugið að þegar fjölskyldutímanum lýkur k. 14 tekur við venjuleg opnun og þá gildir venjulegt verð: Stakur tími: 1200 kr. Leiga á skóm: 300 kr.
Hlökkum til að sjá ykkur
Fréttir
Það var margt um manninn á Smiðjuloftinu í dag og bæði ungir sem aldnir fundu eitthvað við sitt hæfi.
Félagar úr Klifurdeild Bjarkanna í Hafnarfirði mátuðu sig á nýja klifurveggnum ásamt því að færa Smiðjuloftinu veglega gjöf sem fer beint á vegginn.
Á efri hæðinni var sungið og kannski var næsta Eurovision stjarna framtíðarinnar að stíga sín fyrstu skref á sviðinu, hver veit.